Кастрычніцкі раён. З малышамі аб правілах бяспечных паводзін

З мэтай навучання і фарміравання культуры бяспекі жыццядзейнасці работнікі Кастрычніцкага раённага аддзела па надзвычайных сітуацыях праводзяць тэматычныя заняткі з выхаванцамі дзіцячых садоў раёна.

Ратавальнікі ў гульнявой форме расказваюць малышам пра небяспекі, якія могуць падцікоўваць іх у паўсядзённым жыцці. Разам з інспектарам МНС хлапчукі і дзяўчынкі паўтараюць нумары тэлефонаў экстраных службаў, даведаюцца, чым небяспечная гульня з запалкамі і чаму нельга без дазволу дарослых уключаць электрапрыборы, а таксама ў якіх выпадках агонь можа быць нашым сябрам, а ў якіх - ворагам. Важнымі элементамі занятку з'яўляюцца трэніроўка па эвакуацыі з задымленага памяшкання, і паўтарэнне таго, што трэба казаць дыспетчару МНС, калі здарылася бяда.

У завяршэнні прафілактычных мерапрыемстваў малышы атрымліваюць ад ратавальнікаў важныя веды і маляўнічую наглядна-выяўленчую прадукцыю.